Rematamos un curso de lembranzas, recordos de momentos inesquecibles, centos de fotos... e por suposto o noso festival fin de curso, este ano a tope coa celebración a través de coreografías e cancións que nos fixeron viaxar no tempo.
Un blog ideado para mostrar agarimo e perpetuidade á nosa lingua, e a todas as linguas que nos rodean convivindo día a día con nós, e que supoñen unha inmensa riqueza cultural.
luns, 27 de xuño de 2022
VERBENA 50 ANOS
Rematamos un curso de lembranzas, recordos de momentos inesquecibles, centos de fotos... e por suposto o noso festival fin de curso, este ano a tope coa celebración a través de coreografías e cancións que nos fixeron viaxar no tempo.
sábado, 25 de xuño de 2022
OBRADOIRO DE VIMBIOS
Non podiamos dar por rematado sen compartir unha das actividades de final de curso que máis éxito tivo: "Obradoiro de peixiños de vimbio", organizado por este equipo de dinamización e continuando coas actividades de transmisión da nosa cultura popular. Non hai tanto que na nosa contorna se facían cestos, bolsos...de vimbios.
O obradoiro foi impartido o xoves 16 pola artesá Julia la parabólica e esperamos tela con nós no vindeiro curso.
xoves, 23 de xuño de 2022
CONSELLOS DE VERÁN
E xa rematou o curso!!! Despois dun ano cheo de inquedanzas, de experiencias , de aprendizaxes diarias... por fin chegamos a este verán tan desexado e preparado para recargar as pilas e afrontar outro ano que non sabemos o que nos vai deparar.
Polo de pronto aproveitaremos para disfrutar de lecturas e xogos en familia que seguro nos farán pasar un rato moi agradable cheo de sorrisos e das apertas que tanto precisamos.
Ánimo a todos e todas e FELICES VACACIÓNS!!
DIA DO ACOSO ESCOLAR
Ainda que xa pasou máis de un mes, non podemos deixar de subir este fermoso e ilustrativo video onde mostramos os cartaces que se fixeron para poñer nos corredores cheo de frases que xurdiron no consello escolar infantil.
Formativo e ilustrativo que non deixaremos de poñer en práctica.
venres, 17 de xuño de 2022
VISITA PROFE AMI
Recibimos a visita da sobriña de Dona Amalia , unha das primeiras profes do noso cole. Foi unha loitadora nun mundo de homes e loitou moito para ser mestra. Como di a foto, Dana Amalia foi mestra desde o ano 1954, primeiro impartindo docencia en varias unitarias.
Moitos dos avós e avoas que temos hoxe en día , aínda se lembran con agarimo do bo facer desta mestra.
Vaia influencer!!!!
VISITA HEMATOCRITO
Os nenos e nenas dos primeiros cursos de primaria disfrutaron da visita dun dos autores que máis está gustando por estes lares. Agasallounos coa súa simpatía e creatividade e quedamos con ganas de máis, así que esperamos telo moi pronto con nós...!
martes, 7 de xuño de 2022
CORRELINGUA NO MORRAZO
Rematando o mes de maio, mes das letras galegas, os nenos e nenas de educación infantil participamos no Correlingua deste ano, celebrado no auditorio de Cangas.
Durante todo o mes estivemos a coñecer e aprender canción do artista convidado Pablo Díaz e a banda Tic Tac Toc. Pasamolo de maravilla e cancións como "Queremos galego", "Piratas", Tic tac o reloxo ", ou "Polo san Xoán", fixeron as delicias e, porque non, o delirio da cativada presente.
luns, 23 de maio de 2022
FESTA NO ADRO
O pasado sábado 21 a A.C.Costumes de Cela, organizou encolaboracón co Concello de Bueu unha gran festa para nenos e maiores. Por inclemencias do tempo metereolóxico tívose que cambiar a ubicación prevista e trasladarse aoTorrecino.
Como ben indicaban os cateis houbo de todo: Música con Retrouso, xogos poulares con Barafunda, Títeres con Tarabelos , moita aniñación e unha entrega de premios emotiva e espectacular.
Quedan aquí unhas fotos para o recordo, onde ademáis, se lle fixo un homenaxe ao noso cole, que está de aniversario. 50 aniños!! e moitos dos que estaban presentes foron ou son alumnos deste centro. Non podemos deixar de nomear a un dos membros deste equipo de dinamización e ex alumno do centro, que recibiu unha pequena homenaxe da Asociación e dos asistentes, por que él si que é profeta na súa terra!
Parabens Profe Manolo e sempre grazas!!
E a esta Asociación darlles a noraboa pola impecable organización, por seguir traballando en prol da nosa lingua e da nosa cultura e agradecer que sempre conten co noso cole para facer actividades.
mércores, 18 de maio de 2022
ILUSTRAMOS A POESIA DE FLORENCIO DELGADO
CONCURSO LETRAS GALEGAS
Xa temos os gañadores e gañadoras do concurso organizado pola A.C. Costumes de Cela!!!!
Os traballos foron fantásticos como xa se subiron ven en anteriores entradas, e sabemos que non foi nada sinxelo para o xurado, pero aquí están!!!
1º de primaria--- Leire Martínez
2º de primaria --- Naebia Calviño
3º de primaria --- Xoel Pena
4º de primaria --- Pedro Rosales
5ª de primaria --- Aylem Pichel
6º de primaria --- Cesáreo Santos
INFANTIL --- AGASALLO PARA TÓDOLOS PARTICIPANTES!
NORABOA A TODOS E TODAS POR PARTICIPAR E POÑER TANTO AGARIMO NOS TRABALLOS PRESENTADOS!!
VÉMONOS O VINDEIRO SÁBADO 21 NO ADRO DE CELA NA FESTA
ONDE SE ENTREGARÁN OS AGASALLOS AOS GAÑADORES
E ONDE PASAREMOS MOI BEN!!!
ALGO GRANDE SE ESTÁ A ARGALLAR!!
CHEGOU O DÍA, CHEGOU A ROMARÍA (II)
Velaí vai un ano máis a nosa "Romaría escolar das letras galegas". Estivo cheíña de ledicia, xogos, música, complicidade...Pequenos e grandes disfrutando dunha xornada extraordinaria chea de agarimo e moita calor!!
Queda unha pequena mostra de momentos compartidos a través de xogos populares, da música, dos paseos de ida e volta pola nosa contorna ata chegar á praia e ao cole.
E como non podía ser de outra maneira...continuamos a celebrar o noso 50 aniversario, e durante a mostra de construccións de area, se fixeron verdadeiras obras de arte para festexar os nosos parabens!!!!