SAIDA POLA CONTORNA DE CELA

     O pasado mércores os nenos e nenas de 6º de infantil deron un fermoso paseo pola nosa contorna. Ademais das impresionantes  vistas, recoñeceron plantas, sons de paxaros, árbores autóctonos coma o carballo, muíños, e ata dous fermosos cabalos que parecían que os estaban esperando. Desde o cole ata a casa da cultura pasando por camiños e leiras e con un guía de excepción.

Preparando outra!!!

EXCURSION POR SANTIAGO

Os nenos e nenas de 3º,4º e 5º de primaria sairon esta semana de excursión por Santiago. Visitaron o MUPEGA, a fantástica exposición interactiva "Argallar" na Cidade da Cultura, e  pararon en Padrón para visitar a casa museo de Rosalía, onde nenos e nenas de 4º   amosaron aos compañeiros os  seus coñecementos sobre esta escritora unha superheroína de onte, hoxe e sempre. Un día lúdico didáctico fantástico!

 

 

NATUREZA VIVA: O LAGO CASTIÑEIRAS

Os alumn@s de 3º a 6º de Primaria visitaron o Lago de Castiñeiras. Os monitores explicaron a historia do lago, que é artificial!. Ensinaron aos rapaces as distintas árbores autóctonas: castiñeiro, bidueiro, carballo... e explicaron as súas características. Tamén lles falaron das invasoras: acacia, mimosa..  e porqué perxudican. Tamén visitaron a "Mámoa do Rey".