sábado, 26 de xuño de 2021

DESPEDIDA CON GALEGOPASIÓN

 Para rematar este  curso escolar tan diferente, tan cheo de incertidumbre, tan acelerado e a vez pausado vivindo un día de cada vez e sempre á espera de novas para seguir adiante, organizáronse estas actividades , seguindo os protocolos establecidos. 

Actuación do grupo teatral "Tarabelos", onde coñecimos a través da dramatización lendas fantásticas sobre a nosa contorna, piratas, sereas... Maravilloso! "Debulindo historias"


E festa rachada organizada pola Ampa e coa colaboración de todo o profesorado para realizar xogos  e probas  de estilo medieval "Como a noso Torriño", que nos permitiron atopar un tesouro escondido. Cada vez que se superaba unha prOba , se gañaba unha peza de puzzle que permitiría resolve-lo misterio.



E REMATAMOS ESTE CURSO ESCOLAR...

ARRANCANDO MOTORES PARA O VINDEIRO 2021-22

FELICES E MERECIDAS VACACIÓNS A TODOS E TODAS!!!!

SUPERHEROES E SUPERHEROÍNAS!!









venres, 18 de xuño de 2021

CIENCIA CREATIVA

A CIENCIA NON ENTENDE DE IDIOMAS, E ASÍ O SEGUEN  DEMOSTRANDO OS NOSOS CATIVOS DE PRIMARIA .

Esta fin de curso segue a espallar SuperArte polos catro costados. Desde o Contexto Científico, esta semana estreamos… exposición de fotografía creativa! 

O traballo feito polo alumnado de 5° e 6° no Plan da Luz foi tan atractivo que cando vimos as fotografías feitas, soubemos que non podían quedar dentro da aula, e quixemos compartilas co resto do centro, e tamén con vós, a través desta exposición tan artística na entrada da biblioteca.


A experimentación coa luz, espellos, a auga e co prisma de Newton, levou aos pequenos fotógrafos e fotógrafas a capturar instantáneas nas que conviven distintos fenómenos luminosos, como a reflexión, a refracción, difracción e tamén a dispersión da luz branza en todas as cores do arco da vella.


O resultado foi extraordinario, hai moito talento audiovisual entre os nenos e nenas do Torre Cela! Algúns títulos das fotografías son: Un camiño nas sombras, Un portal á natureza, A man diversa, A herba das cen cores, Máscara ao descuberto ou Vistas ao dobre ceo.   


Agardamos que vos gusten tanto como a nós!



Ademais, no último plan do Contexto Científico deste curso, de Máquinas e Inventos, fixéronse deseños creativos con moita arte, que tamén queremos ensinarvos. 




Os nenos e nenas de 3° e 4° deseñaron unha máquina para transportar patacas coa axuda dos nosos hóspedes, os caracois. Aproveitamos para coidalos e observalos, e debemos tratalos ben que nos botaron unha man co transporte de patacas! Aquí algúns dos deseños creados.



 



O alumnado de 5° e 6° deseñou cohetes de auga que puxemos a proba no patio grande… Eran moi aerodinámicos. Tanto, que sobrevoaron o tellado do ximnasio e tivo que vir o conserxe Luis en misión de rescate! 




Tamén inventaron automóbiles do futuro: voadores, con aerodeslizador, adaptados para durmir, para recoller lixo automáticamente e ata con zona relax e de festa para bailar. O futuro xa chegou ao Torre Cela. Ao mellor pronto nos interesa facer unha viaxe ao pasado...


domingo, 13 de xuño de 2021

RECOMENDACIÓNS LECTORAS

 E remantando este curso, non podiamos deixar de facer unha vez máis as recomendacións lectoras propostas pola bilioteca do cole e o equipo de dinamización, así como todo o profesorado.

Esperemos que teñades un anaquiño de tempo para deixarvos levar e disfrutar sós, con amigos, ou en familia de aventuras, experiencias, intrigas e unha che de verbas que vos fagan disfrutar e introducirnos en novos mundo extraordinarios.

BOA LECTURA!!




CIENCIA EN GALEGO

 E non deixamos de aprender e experimentar!! Desta vez o alumnado de 3º a 6 º de primaria, nos mostran que a ciencia non ten idiomas... Estes cursos participaron nos obradoiros de Galiciencia a maior feira científica escolar de Galicia. In situ, ainda que de maneira telemática puideron ser parte dun equipo de  policia científica  para descubrir a un ladrón de tartas, ata ver o funcionamento do helicóptero Ingenuity que leva un mes facendo probas no planeta Marte. Estamos seguros que o próximo ano volveremos a participar , porque foi alucinante!!

Así que non deixedes de picar en este enlace da nosa biblio, onde podedes ver imaxes e contidos máis concretos desta experiencia científica!! E gracias tamén ao alumnado de xeto que fixeron  un escrito fantástico contando esta experiencia científica!




http://torredaspalabras.blogspot.com/2021/05/obradoiros-de-galiciencia.html

http://torredaspalabras.blogspot.com/2021/05/obradoiros-de-galiciencia-por-xabi.html

UN PATRIMONIO EN IMAXES

 Nenos e nenas de 6º de primaria participaron no IV certame de recolla das imaxes de patrimonio inmaterial galego portugués, organizado por Ponte nas Ondas.

Non deixedes de escoitar estes podecast no enlace do blog da nosa biblio! Seguro que non vos deixará indiferente!! Moi boa e importante recollida de esas fotografías que nos poden contar parte da historia da nosa contorna e as nosas tradicións: unha festa, o gaiteiro de Ardán, un baile, o pesqueiro de Peralta...

Moitas grazas ás familias por esa búsqueda e transmisión patrimonial!

Continuaremos investigando pola nosa conta!!!

http://torredaspalabras.blogspot.com/2021/06/as-imaxes-do-patrimonio.html


luns, 24 de maio de 2021

MAIO, MES DAS LETRAS GALEGAS (FINALiZANDO)

 

E imos rematando este mes de maio onde con agarimo celebramos o días letras galegas e un feixe de actividades dinamizadoras o redor desta conmemoración. Non deixedes de ver as nosas anteriores entradas.

Desta vez mostramos o traballo que  nenos e nenas de 1º e 2º de primaria fixeron dentro do contexto lingüístico e que nos deixou a todos encantados. Nestes días os nenos e nenas de 6º de infantil tamén nos mostran unha feiticeira montaxe coa aplicación chatterpix. El@s mesm@s fixeron todo o proceso, unindo voz e imaxe admáis de escoller efectos animados.

 Se Xela puidera velo estaría fascinada con tantas agarimosas mostras de admiración ante a súa obra e a súa persoa!!

Bo disfrute e grazas pola vosa "galegopasión"!


Incansables e supertraballadores, @s artístas dos primeiros cursos de primaria, seguiron traballando con galegopasión e fixeron uns lapbooks fascinantes con verbas e símbolos da nosa terra!! Ademais de gravar en Radio Faladoiro unha pequena parte da obra de Xela Diarío a Darío.

NORABOA POLO TRABALLO!!






xoves, 20 de maio de 2021

PREMIOS A.C. COSTUMES DE CELA

 ONTE RECIBIMOS A VISITA DA A.C. COSTUMES DE CELA QUE ESTE ANO ORGANIZARON  CONCURSO DE NARRACIÓN E ILUSTRACIÓN SOBRE OS NOSOS SOÑOS E FANTASÍAS  BASEADO EN XELA ARIAS. OS GAÑADORES DE PRIMARIA RECIBIRON O SEU AGASALLO NO LOCAL SOCIAL DO MAR EN BUEU E OS MÁIS PEQUENOS DO COLE CONTARON COA PRESENZA DE EVA QUE REPRESENTANDO Á ASOCIACIÓN ENTREGOULLES UN AGASALLO CHULÍSIMO E CREATIVO ADEMÁIS DUN DIPLOMA POR PARTICIPAR.

MOI BO TRABALLO RAPACES!!!!!!!

E PARABENS Á ASOCIACIÓN POLA ORGANIZACIÓN!

!






sábado, 15 de maio de 2021

MAIO, MES DAS LETRAS GALEGAS "DE ROMARÍA"

 "Chegou o día chegou a romaría". Con moita inquedanza polas condicións do tempo, ata o último momento estabamos na dúbida da celebración, máis a chuva deunos unha tregua e con moita ledicia e sobre todo ganas, puidemos celebrar a nosa "II ROMARÍA DAS LETRAS GALEGAS"

Unha xornada espectacular chea de sorrisos, xogos populares, unha boa camiñada desde o cole e co acompañamento da policía local, música ambiental, visita ao centro de interpretación sobre o litoral da nosa contorna, música en directo coa A.C. Retrouso e unha fermosa lembranza de este día en homenaxe a Xela Arias, quen sempre tiña con ela un lápiz e un caderno .

E non podemos esquecer a 1 Mostra de arte na area!!

Mestres, Concello, familia todos implicados para que este día fora diferente ademáis de ser moi esperado por todos, sobre todo con esta situación atípica que estamos a vivir. Seguíronse as medidas pertinentes de distancia e uso da mascarilla segundo protocolo Covid.

Grazas a todos e todas por vibrar cos cativos e facer  este día  inesquecible!






























martes, 11 de maio de 2021

MAIO, MES DAS LETRAS GALEGAS (PARTE 4º) "ROMARÍA"

 E XA ESTÁ AQUI.!

Com moita ilusión andamos a argallar a celebración da II Romaría das letras galegas do noso cole. Este ano debido á situación actual seguiremos protocolo Covid. 

Proximamente máis. Non deixedes de seguirnos durante estes días...

 

luns, 10 de maio de 2021

MAIO, MES DAS LETRAS GALEGAS (3ª PARTE) "XELA NA RADIO"

 Dentro do contexto lingüístico os nenos e nenas de 4º de primaria, estiveron investigando sobre a vida e obra de Xela Arias: escritora, traductora, poeta, ilustradora, loitadora, nai... 

Deixaron unha fantástica reportaxe de investigación na nosa Radio Faladoiro. Estamos seguros de que vos vai encantar. Non deixedes de escoitala!!!

BO TRABALLO!!


MAIO, MES DAS LETRAS GALEGAS (PARTE 2) "XELA ARIAS TRADUTORA"

 E continuando con este mes de conmemoración, os nenos e nenas do cole, tamén queren ser TRADUCTORES, igual que Xela! Así pois, deixamos aquí unha pequena mostra do que fixeron nenos e nenas de 1º e 2º de primaria no contexto lingüístico,   a imaxinazón do alumnado de 5º traducindo expresións galegas ao inglés  e imaxinando unha Gioconda á galega, e a creatividade da aula de 5º de infantil, creando o seu propio libro en galego e castelán.

MOI BO TRABALLO!!!




Traducción sobre un conto escollido na obra de Rodari "Cuentos al teléfono". Nenos e nenas de 1º e 2º primaria.


Os maiores do cole non deixan de sorprendernos!!





UN TRABALLO SUPERARTÍSTICOCREATIVO!!!!
MOITAS GRAZAS!



MAIO, MES DAS LETRAS GALEGAS (PARTE 1) "MOSTRA E CONCURSO"

     Co motivo da celebración do Día das letras galegas, temos preparadas un feixe de actividades moi especiais.

    Apenas hai unha semana participamos no concurso proposto pola A.C. Costumes de Cela en colaboración con este equipo de dinamización. Foi un concurso de narración e ilustración , seguindo a Xela Arias , quen continuamente levaba un caderno e làpiz para non esquecer os seus soños e as súas fantasías. Ao mesmo tempo, no cole estamos a facer unha mostra de estas narrativas e ilustracións feitas polos cativos con moito esforzo e concentración. Velaquí   unha pequena mostra destes fantásticos traballos, onde a creatividade e fantasía dos noso alumnado non deixa de alumear. E ademáis xa temos os gañadores!!! 

* No grupo de 6 a 8 anos resultaron gañadores   Nico e  Anxo!

* No grupo de 8 a 10 Roi e Aitor!

* No grupo de 10 a 12 Valeria e Samuel!

NORABOA AOS GAÑADORES E A TODOS E TODAS  OS QUE PARTICIPÁSTEDES POÑENDO O MELLOR DE VOS!! LEMBRADE QUE O VINDEIRO SÁBADO 15 DE MAIO ÁS 12:30 NO ADRO DA IGREXA DE CELA, FARASE ENTREGA DOS PREMIOS.

 MOITAS GRAZAS!













PROXIMAMENTE SUBIREMOS AS FANTASÍAS E SOÑOS EXPOSTAS NA  1º MOSTRA NARRATIVA E DE  ILUSTRACIÓN DA ENTRADA DO COLE!! AQUÍ VAN AS FANTASÍAS E SOÑOS DE INFANTIL!

FANTÁSTICAS, MOITAS GRAZAS POR PARTICIPAR!!