domingo, 26 de novembro de 2017

25 N: DÍA INTERNACIONAL CONTRA A VIOLENCIA DE XÉNERO.


Ao longo destes días realizamos diversas actividades para conmemorar o 25 de Novembro día internacional contra a violencia de xénero. Mirade que bo traballo fixeron os nosos alumnos. 

CONMEMORACIÓN NO CONCELLO

O día 24 de novembro celebrouse no centro social de Bueu o Día Internacional contra a Violencia de Xénero. Este ano o noso cole foi o encargado do manifesto que realizaron os alumnos de 5º de primaria. 
O acto comezou coa presentación por parte da concelleira de igualdade, Ana Isabel Otero. A continuación  o alumnado de 3º a 6º de primaria cantaron unha canción contra a violencia de xénero destacando a importancia de non aguantar e ocultar esas situacións que tristemente todavía perviven na nosa sociedade. Esta canción estivo acompañada por frautas e por un video feito por todos o alumnado do centro.









 Despois deste emotivo momento, o alumnado de 5º de primaria leron o manifesto elaborado por eles no que refrexionaron sobre a violencia contra as mulleres na actualidade e pediron a tódolos sectores da sociedade que actúen contra a violencia de xénero. 






A directora do CIM fixo entrega de premios do XV Certame do concurso de carteis contra a violencia de xénero que organizou o noso concello. Este ano a gañadora do Certame na categoría de primaria foi a nosa alumna Xiana Dios. Noraboa!!




Para rematar o alcalde Bueu, Félix Juncal dixo unhas palabras como peche do acto. 

Que gran traballo rapaces!!! 


APADRIÑAMENTO LECTOR

Os alumnos de 2º de primaria fixeron unha lectura do conto "O libro dos porcos" acompañada dunha representación por parte de tres dos seus compañeiros para os alumnos de 3 e 4 anos.








E os alumnos de 1º fixeron unha lectura deste mesmo conto para os alumnos de 5 anos.




Grazas ao seu traballo fixéronnos valorar máis a labor das mulleres nos fogares e a importancia de que todos/as debemos colaborar xuntos.


Ademais os alumnos de 5º de primaria leron e conversaron cos alumnos de 3º de primaria sobre libros relacionados coa temática suxeridos pola biblioteca.


Grazas por intercambiar os vosos pensamentos, sentimentos, reflexións, inquedanzas...xa que a violencia de xénero tamén afecta aos nenos/as dunha maneira ou de outra. E aínda que moitas veces permanece oculta, non por iso deixa de existir. 


 EXPOSICIÓN DE CONTOS.


Aquí podedes ver a exposición de libros en galego para traballar a non violencia de xénero en colaboración coa biblioteca. 







MES DA CIENCIA EN GALEGO

Durante todo este mes estamos a traballar a importancia da ciencia na nosa vida cotiá e como grazas a ela a nosa vida diaria e moito máis doada. Así fixemos unha exposición da evolución dos obxectos que atopamos no noso fogar: ferros de roupa, vasoiras, reloxos, lámpadas, utensilios de cociña... e dalgúns que atopamos na nosa escola como os microscopios.












luns, 13 de novembro de 2017

O Magosto

O venres 10 de novembro celebramos no noso cole a gran festa do magosto. Contamos coa colaboración da ANPA para asar as castañas, os bocadillos de chourizo...e coa do Club Corredoiras que nos ensinaron uns xogos populares moi divertidos. Pasámolo moi ben como podedes ver nas fotos.
















Aquí tedes tamén o video do magosto: https://www.youtube.com/watch?v=zcrgaFIlZOA

luns, 6 de novembro de 2017

AS LENDAS DE CELA

Durante todos estes días estivemos a recompilar as lendas que se coñecen da  nosa comarca, profundando así no patrimonio inmaterial da nosa zona. 





Descubrimos moitas e variadas lendas  e incluso as veces que unha mesma lenda ten varias versións froito da transmisión oral. 



 



 Algunhas destas lendas son A Pedra Fendida, O Buraco da Lontra, A Santa Compaña, A Cova de Picó, O Burato do Inferno, A Poza da Moura, A Trasna...

 Agora poderedes ver algunhas delas. 




















































Parabéns polo voso traballo.

mércores, 1 de novembro de 2017

Samaín

O día 31 de outubro tivemos un día terrorífico, celebramos o samaín!!!😱

Ao longo de toda a mañá pasamos por diversos obradoiros nos que contamos coa colaboración das familias e docentes: cociña, maquillaxe, apócemas... Mirade que ben o pasamos.



















Tamén tivemos sesión de contacontos de medo por parte de Mari Acuña e de Luis Davila que fixéronnos pasar un bo rato. Durante a primeira sesión os nenos de infantil, 1º e 2º de primaria disfrutamos da representación dos seguintes contos "A bruxa regañadentes", "Verlioka" e "Onde viven os monstros". 
Para os nenos de 3º, 4º, 5º e 6º de primaria explicáronnos o significado da palabra samaín que para moitas culturas indica o inicio do ano novo. 
A continuación contáronnos lendas da illa de Ons:  "A galiña dos ovos de ouro", "A serpe e o neno" e "O burato do inferno". 
Déronnos tamén a coñecer a tradición popular que había en Galicia do "mal de ollo". Críase que o mal de ollo era capaz de facer por exemplo que as vacas quedaran estériles ou vez de dar leite botaran sangue. Como vedes aprendimos moitas cousas novas. 
Para rematar amenizaron a sesión co conto "a bruxa regañadentes".





Os alumnos de infantil contamos ademais coa colaboración de Rubén Bastón que veunos contar os seguintes contos: "Garavanciño", "A casa da miña avoa" e "O xigante do pantano". Acompañounos de música popular coa que disfrutamos un montón. Que bo rato pasamos!




Neste día non podían faltar as nosas cabazas e as nosas espigas de millo terroríficas e relacionadas co proxecto. Mirade que magnífico traballo fixeron os nosos alumnos/as e as súas familias.








GRAZAS FAMILIAS pola vosa colaboración, dedicación e esforzo. Parabéns!!!