Unha das nosas escritoras favoritas é Ledicia Costas, e o alumnado de primaria tiveron ocasión compartir o día 8 de Abril e da man da editorial Xerais, unhas verbas con ela de xeito virtual. Ainda que non hai como o presencial, os comentarios da rapazada e dela mesma non puideron ser mellores. Toda unha experiencia onde non faltaron todo tipo de preguntas e curiosidades. Moitas grazas!!!
E velaquí un resumo feito por Alba , alumna de sexto que resume coas súas verbas este encontro virtual.
Ledicia Costas Álvarez, é unha escritora galega, naceu en Vigo o 19 de setembro de 1979, empezou a escribir con 8 ou 9 anos e leva sendo escritora 30 anos. Ledicia estudou dereito, pero despois de traballar uns anos como avogada decidiu deixalo e centrarse completamente na literatura.
Na videochamada do pasado xoves explicounos moitas cousas da súa vida.
Gústalle facer libros de historias de mortos, espíritos, vampiros... Cre que a morte é un tema que debe ser tratado con máis naturalidade e por iso escribe libros nos que se fala dos mortos de xeito cómico.
Tamén gústalle moito ler, escribir o chocolate e xogar a Nintendo, iso axudoulle moito na corentena.
O libro que máis lle custou escribir foi "Un animal chamado néboa" un libro da segunda guerra mundial no que tivo que estar documentándose moitísimo tempo.
Tamén nos contou que o seu libro favorito é Drácula.
Ela escribe polas noites e as fins de semana. Concéntrase no seu despacho cos seus bonecos preferidos.
O que máis me chamou a atención da videochamada foi que o libro de Escarlatina a cociñeira defuta está tamén traducido en Koreano. Grazas aos premios que recibiu este libro, ela viaxou a outros países e coñeceu a moita xente.
O libro de Escarlatina é o libro que lemos na clase de sexto. Trata sobre un neno chamado Román, quere ser un chef, e polo seu décimo aniversario pídelle aos seus pais un curso de cociña. Neste coñece a Escarlatina, unha nena morta, que xuntos viaxan ao inframundo para preparar un prato que lle guste aos mortos e aos vivos, podendo revivir a Escarlatina.
O libro gustoume moito, pareceume moi divertido, interesante e con
moita intriga.
